Jambyl oblysynda shegirtke 4 aýdanǵa qaýip tóndirýi múmkin
ASTANA. QazAqparat - Jambyl oblysynda shegirtkege qarsy kúres jumystary bastaldy. Mamandar buǵan jyldaǵydan erte kiristi, dep habarlaıdy Habar24kz.
Óıtkeni aımaqta marokko zııankesi taralǵan aýmaq kólemi artyp, oblystaǵy 80 aýyldyq okrýgte tirkelgen. Ásirese Talas, Sarysý, Jambyl jáne Baızaq aýdandarynda erekshe kóp shoǵyrlanǵandyǵy baıqalady. Qazir alǵashqy dárileý jumystary osy jerden bastaldy. Bıyl óńirde 355 myńnan astam gektar jer hımııalyq óńdeýden ótedi. Oǵan 580 mıllıon teńge qarajat bólindi. 70-ten astam jerden dárileıtin tehnıka jáne 11 ushaq daıyn tur. Sonymen qatar Marokko elinen arnaıy sarapshy mamandar shaqyrtylǵan. Olar zııankestermen kúresýdegi tájirıbelerimen bólispek.
«Bıylǵa Marokko shegirtkesi 298 myń 710 gektar jerge jaıylǵan. Hımııalyq óńdeý jumysyn jasaýǵa daıyndyq 100 paıyz. Ýly hımıkattar jetkizildi. Marokko shegirtkesine 29 myń 859 lıtr ýly hımıkat - pestıtsıd jetkizildi»,-dedi Aýyl shraýashylyǵy mınıstrliginiń Memlekettik ınspektsııa komıtetiniń oblystyq ınspektsııasynyń basshysy Nurbı Jigitekov.
