Jambyl oblysynda «Servıstik ákimdik» ashyldy
Nysannyń ashylýyna Jambyl oblysy ákiminiń orynbasary Talǵat Mamaev, QR Sybaılas jemqorlyqqa qarsy agenttiginiń Jambyl oblysy boıynsha departamentiniń basshysy Ádilhan Áshirbaev, aýdan basshylary, ardagerler uıymdary men jurtshylyq ókilderi qatysty.
Ashylý saltanatynda sóz alǵan Jambyl oblysy ákiminiń orynbasary Talǵat Mamaev, QR Sybaılas jemqorlyqqa qarsy agenttiginiń Jambyl oblysy boıynsha departamentiniń basshysy Ádilhan Áshirbaev servıstik ákimdik mamandardy bir alańǵa shoǵyrlandyrý arqyly aýdan turǵyndaryna qolaıly jaǵdaı týǵyzý, memlekettik kórsetiletin qyzmetterdiń sapasyn men jyldamdyǵyn arttyrý jáne sybaılas jemqorlyqty joıý maqsatyna negizdelgenin basa aıtty. Olar jýalylyqtardy aıtýly oqıǵamen quttyqtady.
«Servıstik ákimdik» ǵımaratynyń lentasyn Jambyl oblysy ákiminiń orynbasary Talǵat Mamaev pen aýdandyq ardagerler keńesiniń tóraǵasy Estemes Amanbekov kesti. Jınalǵandar servıstik ákimdik bólmelerdi aralap, jabdyqtalýymen tanysty.
Jalpy munda aýdan ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary, sáýlet, qurylys jáne qala qurylysy, aýyl sharýashylyǵy jáne jer qatynastary bólimderi ornalasqan. Kelýshilerge yńǵaıly bolýy úshin ortadaǵy ashyq foeden 5 tereze jabdyqtalǵan. Onda ár bólimniń bir mamany men «Jýaly – adaldyq alańy» jobalyq keńsesiniń konsýltanty qyzmet kórsetedi. Sondaı-aq anyqtama orny, májilis zaly ornalasqan.