Jambyl oblysynda Senat depýtattyǵyna saılaý aıaqtaldy
TARAZ. QazAqparat - Jambyl oblysynan QR Parlamenti Senatyna depýtattardy saılaýdyń nátıjesi anyqtaldy, dep habarlaıdy QazAqparat tilshisi oblystyq aýmaqtyq saılaý komıssııasyna silteme jasap.
Óńir boıynsha QR Parlamenti Senatyna depýtattyqqa 5 kandıdat tirkelgen bolatyn. Jambyl oblysy ákiminiń orynbasary Abdaly Nurálıev 84 paıyzdan astam daýys jınap, saılaýda jeńiske jetti. Saılaýǵa jergilikti máslıhattardyń 199 depýtaty qatysty.
58 jastaǵy Abdaly Nurálıevtiń básekelesteri - «Memlekettik qyzmetshilerdi qaıta daıarlaý jáne olardyń biliktiligin arttyrý» ortalyǵynyń 57 jastaǵy dırektory Dúısenbek Ábdraıymov, M.H.Dýlatı atyndaǵy Taraz memlekettik ýnıversıtetiniń birinshi prorektory, 64 jastaǵy Asqar Abdýaly, «Taraz» fýtbol klýbynyń 54 jastaǵy dırektory Mahambet Dúısembaev jáne Lýgovskıı relsdánekerleý kásipornynyń dırektory, 56 jastaǵy Qaırat Terlikbaev boldy.
Ortasha jasy 56 jastaǵy barlyq jambyldyq kandıdattar máslıhat depýtattarynyń qoldaryn jınaý arqyly óz-ózderin usynǵandar.
