Jambyl oblysynda sel qaýpin tóndiretin 18 ózen bar
Bul týraly óńirlik kommýnıkatsııalar qyzmetinde alańynda QR TJM «Qazseldenqorǵaý» MM «Jambyl aýmaqtyq paıdalaný basqarmasy» fılıalynyń basshysy Sultan Aqberdıev aıtty.
Sondaı-aq, spıkerler qatarynda TJD azamattyq qorǵanys basqarmasynyń basshysy Rýslan Sharıev pen Memlekettik órt baqylaý basqarmasy basshysynyń mindetin atqarýshy Madııar Jatqanbaev ta bolyp, óz salalary boıynsha ózekti taqyrypqa toqtaldy.
Aıta keteıik, atalǵan ózenderge toqtalatyn bolsaq, Jýaly aýdanyndaǵy Aqsaı, Kóksaı ózenderi aýmaǵynda 6 qaýipti telim bolsa, T.Rysqulov aýdanyndaǵy Maqpal, Shónger, Qaraqat, Qaraqystaq, Shalsý jáne Kókdónen ózenderiniń jaǵalaýyndaǵy 39 qaýipti telim bar.
Al, Merki aýdanyndaǵy Aspara, Merki, Molaly, Taldy bulaq, Túzý surat ózenderinde 63, Qordaı aýdanyndaǵy Qaraqońyz, Qaqpatas jáne Qalǵuty ózenderinde 28, Talas aýdanyndaǵy Tamdy ózeninde 4 qaýipti telim ornalasqan.
«Fılıalymyzdyń 6 turaqty beketi gıdrometeorologııalyq jaǵdaıǵa baqylaý jasap otyr. Sel qaýpi áser etetin aýmaq halqyn jáne aýmaǵyn sel aǵyndarynan qorǵaý maqsatynda is-sharalar jospary bekitilip, jedel shtab quramy jasaqtaldy. Ol aımaqtarda profılaktıkalyq sharalar barysynda turǵyndarmen túsindirý jumystary júrgizildi. Sonymen qatar «Saq bolyńyz sel!« atty barlyǵy 476 dana jadnama taratyldy. Aýdandar men aýyldyq okrýgterdiń ákimderine, uıymdar, kásiporyndar basshylaryna, áskerı bólimder bastyqtaryna, aýmaqtaryndaǵy sel qaýpi bar sharýaqojalyq basshylaryna 53 dana eskertpe-usynys berildi. Berilgen eskertpe-usynystardyń oryndalýy jergilikti atqarýshy organdardyń baqylaýynda bolady. Budan basqa, qaýipti ózen alaptarynda 14 dana «Saq bolyńyz, sel» eskertý qalqany qoıylǵan», - dedi S.Aqberdıev.