Jambyl oblysynda sarbaz ólimin tergeý kezinde birneshe adam qyzmetinen shettetildi
«Zańnamaǵa sáıkes, qyzmettik tergeý aıaqtalǵanǵa deıin kez kelgen faktini jarııalaýǵa bolmaıdy. Óıtkeni tergeý aıasynda kóptegen túrli derekter qarastyrylyp jatyr. Onyń qaısysy rastalatyny tergeý kezinde anyqtalady», - dedi Erlan Aldajumanov Senattyń jalpy otyrysynan keıin tilshiler suraǵyna jaýap bere otyryp.
Osy oraıda ol tergeý amaldaryn basqa vedomstvo júrgizip jatqanyn aıtty.
«Sondyqtan biz tergeý materıaldaryn da qaraı almaımyz. Sondyqtan osy iske qatysty naqty túsinik bere almaımyn. Tergeý aıaqtalǵannan keıin, tıisti málimetterdi alamyz. Budan bólek, biz osy jaǵdaıdy ózimiz tekserdik. Bul rette tártiptik jáne basqa da sheshimder jasaldy. Jambyl oblysy boıynsha shekara qyzmeti departamentiniń basshysy qyzmetinen shettetildi. Atalǵan shekara beketi ornalasqan basqarma basshysy men onyń tárbıe jónindegi orynbasary da qyzmetinen shettetildi. Olar tergeý amaldarynyń aıaqtalýyn kútip otyr. Osydan keıin osy laýazym ıelerine qatysty tıisti sheshim shyǵarylady», - dedi Shekara qyzmetiniń dırektory.
Budan buryn habarlanǵandaı, byltyr qyrkúıek aıynda Jambyl oblysynyń «Shóldala» shekara bólimshesindegi jaýynger ólimine qatysy bar bolýy múmkin kúdikti qamaýda otyrǵany aıtyldy.