Jambyl oblysynda sańyraýqulaq terýge shyqqan 5 adam joǵalyp ketken
TARAZ. QazAqparat - Jambyl oblysynda sańyraýqulaq terip adasqandar tabyldy, dep habarlaıdy QazAqparat.
11 sáýir saǵat 17.00-den bastap Jambyl oblysy tótenshe jaǵdaılar departmentiniń qyzmetkerleri men orman jáne ań sharýashylyǵyn qorǵaý mekemesiniń qyzmetkerleri Talas aýdany Oıyq aýyly mańyndaǵy 60 shaqyrym jerde sańyraýqulaq terýge shyqqan adamdardy jabylyp izdedi.
Úsh jigit úıinen kúndizgi 11 shamasynda shyǵyp ketken.
Joǵaryda atalǵan izdeýshi toptyń kómegimen olar, ıaǵnı 1978, 1991 jáne 1995 jyly týǵan 3 azamat túngi 23.20 da tabylyp, aman-esen eldimekenge jetkizildi.
Eshqaısysy medıtsınalyq kómekti qajet etpedi.
Dál osyndaı jaǵdaı dál sol kúni Moıynqum aýdanynda da bolǵan. Qylyshbaı aýylynan 50 shaqyrym jerde izdeý jumysyn júrgizgen TJD qyzmetkerleri túngi 01.35-te 1985 jyly týǵan 2 azamatty izdep tapty.
Joǵalyp tabylǵan bul 2 azamat ta 11 sáýir kúndizgi saǵat 11 shamasynda sańyraýqulaq terýge shyǵyp, adasyp ketken bolyp shyqty.
Osyǵan oraı, Jambyl oblysy TJ departamenti oblys jáne qala turǵyndary men qonaqtaryna belgisiz aýmaqqa alysqa jolǵa shyǵýdan bas tartý qajettigin eskertedi.
