Jambyl oblysynda «Qnet» kompanııasyna qatysty tergeý júrip jatyr

NUR-SULTAN. QazAqparat – Jambyl oblysynda salymshylardyń aqshasyn tartty degen aıyppen «Qnet» kompanııasynyń qyzmetine qatysty sotqa deıingi tergeý amaldary júrip jatyr, dep habarlaıdy QazAqparat tilshisi QR Qarjy monıtorıngi agenttiginiń baspasóz qyzmeti usynǵan málimetke súıene otyryp.

«Aqmola jáne Jambyl oblysyndaǵy ekonomıkalyq tergeý departamentteri «Qnet» kompanııasynyń atynan salymshylardyń aqshasyn tartý faktisi boıynsha QR QK-niń 217-baby (qarjy pıramıdasyn qurý jáne oǵan basshylyq etý) boıynsha sotqa deıingi tergeýdi júzege asyrýda. Atalǵan óńir turǵyndarynan shaǵymdar áli túsip jatyr, sáıkesinshe shyǵyn kólemi de artyp jatyr», - dep jaýap berdi atalǵan vedomstvo QazAqparattyń resmı saýalyna.

Eske salsaq, bıyl sáýirde Aqmola oblysynda Qnet qarjy pıramıdasynyń basshylaryna qatysty tergeý júrip jatqany týraly habarlaǵan edik.

Sondaı-aq, elimizdiń Іshki ister mınıstrliginen jyl basynan beri qarjy pıramıdalarynyń ústinen 27 qylmystyq is qozǵalǵany málim etildi.

Odan bólek, Qazaqstanda qarjy pıramıdalarynyń jarnamasy úshin qylmystyq jaýapkershilik engizilmek.

Osy oraıda QR Parlamenti Májilisinde qarjy pıramıdalarynyń qyzmetine qarsy is-qımyl týraly zań jobalary maquldandy.