Jambyl oblysynda polıglottar forýmy ótti
Oblystyq tilderdi damytý basqarmasynyń habarlaýynsha, forým Taraz qalasyndaǵy fızıka-matematıka baǵytyndaǵy Nazarbaev Zııatkerlik mektebiniń muǵalimderi men oqýshylarynyń oryndaýynda uly aqyn Abaıdyń qarasózderin jatqa qazaq, orys, aǵylshyn, nemis, frantsýz, túrik tilderinde oryndaýdan bastaldy. Sondaı-aq, aýdandar men Taraz qalasyndaǵy birneshe tildi jetik meńgergen polıglot jastar qazirgi tańda álemniń alpaýyt memleketteri kóp tildi, ásirese halyqaralyq tilderdi meńgerýdi mańyzdy mindet dep sanaıdy. Sondyqtan óz halqymyzdyń qaryshtap damyp, órkenıetten kenje qalmaýy úshin kóp tildi meńgerý qajet. Bul zaman talabynan týyndap otyrǵan qajettilik. Sebebi, birneshe tilde erkin sóıleı de, jaza da biletin maman básekege qabiletti tulǵaǵa aınalatyny sózsiz degen oılaryn ortaǵa saldy.
Úsh tildi meńgerip qana qoımaı sol tilde óner kórsete biletin M.H.Dýlatı atyndaǵy Taraz memlekettik ýnıversıtetiniń stýdenti Habı Abylaı birneshe tilde án shyrqap, kópshiliktiń kóńilinen shyqty.
Elbasynyń salıqaly saıasatynyń arqasynda birneshe tildi jetik meńgerý búgingi kúnniń basty talabyna aınaldy, ony júzege asyrýda jastardyń belsendiligi joǵary. Atalǵan forýmda M.H.Dýlatı atyndaǵy Taraz memlekettik ýnıversıtetiniń stýdentteri Ábdýǵalı Erǵalı Rústemuly, Muhtar Núrıla Muhtarqyzy, Kaır Bekbolat Azatuly ÚNDEÝ qabyldady. Úndeý barsha jastardy kóptildi meńgerýge, jáne de jas polıglottardy Otanymyzdyń bolashaǵyna degen jaýapkershilik, jarqyn bolashaqqa degen senimdilik, elimizdi budan da qýatty memleketke aınaldyrýǵa biriktiredi dep shaqyrdy.
Forýmǵa oblystaǵy birneshe tildi jetik meńgergen polıglot jastar, aýdandar men Taraz qalasy ákimdiginiń mádenıet jáne tilderdi damytý bólimderiniń basshylary jáne til mamandary, Tilderdi oqytý ortalyǵynyń tyńdaýshylary, oqytýshylary, joǵarǵy oqý oryndarynyń oqytýshylary men stýdentteri, oblystaǵy BAQ ókilderi qatysty.
