Jambyl oblysynda pılottyq joba aıasynda sharýalarǵa jańa tehnıkalar berildi

TARAZ. QazAqparat – Jambyl oblysynda sharýalarǵa 30 jańa tehnıka tapsyryldy.Aýyl sharýashylyǵy tehnıkalary«Oblys turǵyndarynyń turmystyq tabysyn jaqsartý» pılottyq jobasy aıasynda jańadan qurylǵan kooperatıvterge berildi, dep habarlaıdy QazAqparat tilshisi.

Saltanatty sharaǵy aımaq basshysy Berdibek Saparbaev qatysyp, tehnıkalarmen jáne atalǵan joba aıasynda óndirilgen ónimder kórmesimen tanysty.

Aımaq basshysy salada atqarylyp jatqan jumystarǵa toqtaldy.

«2019 jyly qolǵa alynǵan «Oblys turǵyndarynyń turmystyq tabysyn jaqsartý» pılottyq jobasy qolǵa alynǵan bolatyn. Jobanyń alǵashqy kezeńi nátıjeli júzege asyp, júzdegen aýyldyqtardyń tabysynyń artýyna jol ashty.

Memleket basshysynyń turǵyndardyń tabysyn arttyrý, jańa jumys oryndaryn qurý tapsyrmasynyń oryndalýyna da bul jobanyń tıgizer paıdasy zor.

Qazirgi tańda ekinshi kezeń boıynsha qarjy bólý úshin Úkimetpen tıisti jumystar júrgizilýde.

Búgingi kúni jeńildetilgen nesıe alǵan turǵyndardyń qaıtarym qarajaty esebinen jańa okrýgter qosylǵan bolatyn. Qaıta qarjylandyrý esebinen Jambyl aýdanynan Órnek, Baızaq aýdanynan Úlgili jáne Jýaly aýdanynan Aqsaı aýyldyq okrýgteriniń turǵyndaryna nesıe berildi.

Jańa tehnıkalar atalǵan aýyldyq okrýgterde jańadan qurylǵan aýylsharýashylyǵy kooperatıvterine berilýde.

Usaq sharýashylyqtar birigip, jumys jasasa, utylmaımyz. Sol arqyly nesıe alý, tehnıka tapshylyǵyn boldyrmaý, sapaly tuqym, tyńaıtqysh alý, ónimderdi ótkerý sekildi máselelerdi tıimdi sheshýge bolady. Іri agroholdıngter qurý boıynsha da jumystardy jedeldetýge tıispiz.

Sońǵy jyldary sýarmaly sý tapshylyǵy týyndap otyrǵany belgili. Bul oraıda kanaldardy tazalap, qolda bar sýdy únemdi jumsaý kerek. Jerasty sýlaryn paıdalaný da mańyzdy. Ol úshin uńǵymalar qazý isine barynsha kóńil bólgen durys»,- degen oblys ákimi sharýalardyń jumysyna sáttilik tiledi.

Bul kúni kooperatıvterge jalpy kólemi 260,6 mıllıon teńgege 30 tehnıka berildi. Onyń ishinde 5 «LOVOL» traktory, 4 tirkeme, 1 júgeri kombaıny, 1 tas jınaǵysh mashına, 2 dıskili tyrma, 4 soqa, 1 kýltıvator, 3 dánge tyńaıtqysh sebetin tehnıka, 2 aryq qazatyn tehnıka, 2 búrikkish, 1 júk salǵysh, 3 Simpa býmalaǵyshy, 1 tyńaıtqysh sebetin mashına bar.

Aıta keteıik, buǵan deıin jergilikti bıýdjet esebinen lızıngke 194 jańa aýyl sharýashylyǵy tehnıkalary qoldanysqa berilgen bolatyn.

Aıta keterligi, búginde pılottyq aýyldyq okrýgtardaǵy aýyl sharýashylyǵy tehnıkalary 36 paıyzǵa jańalanǵan.