Jambyl oblysynda paıdalanýsyz jatqan 400 myń gektarǵa jýyq jaıylymdyq jer anyqtaldy
Aýyl sharýashylyǵy jerlerin tıimdi paıdalaný máseleleri Jambyl oblysy ákimdiginiń turaqty nazarynda. Jyl basynda salalyq basqarmalar men aýdandyq ákimdikterge paıdalanýsyz jatqan jerlerdi aınalymǵa qaıtarý boıynsha jumystar júrgizý tapsyrylǵan bolatyn. Berdibek Saparbaevtyń tóraǵalyǵymen ótken jıynda osy tapsyrmanyń oryndalý barysy talqylandy.
Jer qatynastary basqarmasy men jer ınspektsııasy ókilderiniń derekterine qaraǵanda, jospar boıynsha 70 myń gektar jerdiń ornyna búginde 72155 gektar jer memleket menshigine qaıtarylǵan. Onyń ishinde 5390 gektary - egistik jáne 66765 gektary - jaıylymdyq.
Jerlerdi paıdalaný jáne qorǵalýyn baqylaý basqarmasynyń basshysy Ábilqaıyr Tamabektiń aıtýynsha, keıbir ákimdikter paıdalanýsyz jatqan aýyl sharýashylyǵy jerleriniń kólemi týraly naqty tsıfrlardy jasyryp, jalǵan málimetter joldaıdy.
Aıtalyq, jalpy, oblys boıynsha paıdalanýsyz jatqan 400 myń gektarǵa jýyq jaıylymdyq jerler anyqtalǵan desek, jergilikti ákimdikterdiń joldaǵan kórsetkishide ol bar-joǵy 107 gektardy quraǵan. Sondaı-aq, tekserýshiler kóptegen ıesiz jerlerdi anyqtady. Mysaly, Merki aýdanynda 1247 gektar, Talas aýdanynda 1193 gektar, al Qordaı aýdanyna 559 gektar osyndaı jer belgili bolǵan.
Jıynǵa onlaın baılanys arqyly qatysyp otyrǵan jumysy sylbyr aýdan ákimderi tapsyrmany jyl sońyna deıin oryndaýǵa ýáde berdi.
Berdibek Saparbaev aýdan ákimderinen aýyl sharýashylyǵy jerlerine bir aı ishinde tolyq obektıvti tekseris júrgizýdi talap etti.
«Jer aınalymda bolýy kerek, ony utymdy uqsatyp, barynsha ónimdilik turǵyda paıdalanǵan abzal. Bizge egis alqabyn keńeıtý,
aýyspaly egistik boıynsha jumystar júrgizý qajet. Biz óńirimizdi óz ónimderimizben tolyq qamtamasyz etýge kúsh salýymyz kerek. Azyq-
túlik qaýipsizdigi – qazirgi kezdegi mańyzdy memlekettik mindetterdiń biri», - dep atap ótti aımaq basshysy.
