Jambyl oblysynda «Páter» jedel-aldyn alý is-sharasy bastaldy
TARAZ. QazAqparat – Jambyl oblysy Polıtsııa departamentiniń bastyǵy polıtsııa general-maıory Janat Súleımenovtiń buıryǵymen búgin, 11 naýryzdan bastap oblys aýmaǵynda «Páter» jedel-aldyn alý is-sharasy ótkizilýde, dep habarlaıdy QazAqparat.
Mundaǵy maqsat páter urlyǵyn ashýdaǵy tıimdilikti jaqsartý, qylmystardyń aldyn alý, eskertý, jolyn kesý, atalǵan qylmystarǵa qatysy bar tulǵalardy anyqtaý bolyp tabylady.
Oblystyq polıtsııa departamenti baspasóz qyzmetiniń habarlaýynsha, jedel jaǵdaıdy taldaý negizinde páter urlyǵy kóp oryn alatyn aýdandar anyqtalyp, krımınaldyq polıtsııa jáne jergilikti polıtsııa qyzmetkerlerinen jedel toptar qurylǵan.
Polıtsııa departamenti turǵyndarǵa óz múlikterine asa saq bolýdy, turǵyn úılerine qatysty qaýipsizdik sharalaryn qamtamasyz etýdi eskertedi.
