Jambyl oblysynda órt saldarynan er adam qaza tapty
TARAZ. QazAqparat - Keshe óńirde birneshe jerde órt shyǵyp, sonyń biri qaıǵyly oqıǵamen aıaqtaldy, dep habarlaıdy QazAqparat Jambyl oblystyq TJD baspasóz qyzmetine silteme jasap.
«14 maýsymda Qordaı aýdany Otar aýylynda jeke úıdiń shatyrynan órt shyqqan. Órt bir saǵattyń ishinde aýyzdyqtaldy. Jedel járdem kelgenge deıin 43 jastaǵy er adam qaza tapqan. Bastapqy boljam boıynsha jalyn otty abaısyz qoldanýdan shyqqan», - dep habarlady TJD-da.
Oqıǵa ornyna qutqarý qyzmetiniń alty qyzmetkeri kelgen, úsh tehnıka tartyldy.
Budan bólek, Jýaly, Baızaq aýdandarynda jáne Taraz qalasynda shóp qora men avtokólik janyp ketken.
