Jambyl oblysynda óńeshi kúıgen balalar sany artýda
TARAZ. QazAqparat - Jambyldyq dárigerler sońǵy jyldary óńeshi kúıgen balalar sanynyń kún sanap artyp kele jatqanyn aıtady, dep habarlaıdy «QazAqparat» HAA tilshisi Jambyl oblystyq densaýlyq saqtaý basqarmasynyń baspasóz qyzmetine silteme jasap.
Jambyl oblystyq balalar aýrýhanasynyń málimetine súıensek, LOR-bólimde sońǵy úsh jylda turmystyq hımııany jutyp, «aýyz qýysynyń shyryshty qabatynyń, jutqynshaqtyń, óńeshtiń hımııalyq kúıigi» dıagnozymymen emdelgen 59 bala tirkelgen.
2014 jyly qaýipti quraldan óńeshi kúıgen 14 bala, 2015 jyly - 17 bala jáne 2016 jyly - 28 bala zardap shekti.
Dárigerler osyndaıǵa jaǵdaıǵa kóbinese eresekterdiń nazarynan tys qalyp, barlyq jańa nárseni tanyp-bilgisi keletin 1-den 3-jas aralyǵyndaǵy balalardyń tap bolatynyn aıtýda. Basty másele - olardyń ýlanýy men kúıikke shalynýy emes, onyń saldarynan óńeshtiń tyrtyqtanyp, tartylýyna ákep soǵýy. Emderdi durys qabyldaǵannyń ózinde óńeshtiń tarylýynan aıyǵý múmkin emes.
«Alǵashqy kómek kórsetý maqsatynda balaǵa kóp kólemde sý ishkizip, jedel járdem shaqyrtý kerek. Dáriger asqazanyn tazalap shaıýy qajet, sonda ǵana ýdyń taralýy nemese asqazannyń kúıýinen qutylýǵa bolady. Keıinnen em qabyldaý statsıonarda jalǵasady. Ata-analar óńeshtiń kúıýi ońaı ekenin, biraq ony emdeýdiń óte qıyn jáne balaǵa aýyr tıetindigin esten shyǵarmaýlary qajet», - dep túıindedi oblystyq densaýlyq saqtaý basqarmasynyń baspasóz qyzmeti.
