Jambyl oblysynda ondaǵan úıler men shıpajaılardy sý basty
TARAZ. QazAqparat - Jambyl oblysynyń aýmaǵynda Asa ózeniniń sýy jaǵalaýdy shaıyp ketti, sondaı-aq birqatar eldi mekenderde jer asty sýlarynyń kóterilýi baıqalýda, dep habarlaıdy «QazAqparat» HAA tilshisi Jambyl oblystyq TJD baspasóz qyzmetine silteme jasap.
«19 sáýir kúni Jambyl aýdanynda «Maıskıı» saıajaılyq alqabyna jaqyn jerde Asa ózenindegi sý deńgeıi arnasynan asyp, Tsentralnaıa kóshesindegi turǵyn úılerdi sý basý qaýpi tónip tur. Kúni boıy jergilikti atqarýshy organdarynyń kúshteri ózenniń jaǵalaýyn nyǵaıtý jumystarymen aınalysty, oǵan 17 adam men 7 tehnıka tartyldy», - dep habarlady baspasóz qyzmetinde.
«Tarazdyń jeke sektorynda jer asty sýlarynyń kóterilýi baıqalýda. Osyǵan baılanysty 25 aýla men 9 turǵyn úı sý astynda qaldy. «Taraz sý» MQK apattyq brıgadasy kárizdik kollektorlardy jer asty sýlarynan tazartyp, sý ótkizý qudyqtarynan sýlardy aıdaýda», - dep túsindirdi oblystyq TJD baspasóz qyzmeti.
Baızaq aýdanyndaǵy Sarykemer aýylynda birqatar úılerdi, sondaı-aq týberkýlezge qarsy shıpajaıdyń aýmaǵyn jer asty sýlary basyp qaldy. Qutqarýshylar arnaıy tehnıkalardyń kómegimen sýdy aıdap jatyr.
