Jambyl oblysynda Nur Otan ǵımaratyn órtedi degen kúdikti Nur-Sultannan ustaldy
Buǵan deıin QR Іshki ister mınıstrligi 19 qańtarda tótenshe jaǵdaı rejımi joıylǵan soń, elimizdiń barlyq óńirlerinde «Quqyqtyq tártip» jedel aldyn alý sharasy ótetinin jarııalaǵan edi.
Atalǵan sharany ótkizý kezeńinde 4 myńnan astam qylmys tirkelgen, onyń ishinde 300-den astamy qoǵamdyq orynda jáne 80-i kóshelerde jasalǵan.
«Ásirese eń kóp qylmys Shyǵys Qazaqstan, Almaty, Qaraǵandy oblystarynda, Almaty jáne Shymkent qalalarynda jasalǵan. 2 700-den astam qylmys «izin sýytpaı» ashyldy»,- dedi QR Ákimshilik polıtsııa komıtetiniń basqarma bastyǵy Baǵlanbek Aıtpaev mınıstrlikte ótken brıfıngte.
Mysaly, spıkerdiń aıtýynsha, 19 qańtarda Aqtóbede polıtsııa qyzmetkerleri buryn sottalǵan eki azamatty «izin sýytpaı» ustady.
Olar túnde medıtsınalyq betperde kıip «Qazaq Oil» janarmaı quıý stantsııasyna baryp, janarmaı quıýshy men kassırdi pyshaqpen jáne balǵamen qorqytqan jáne 100 myń teńgeden astam aqsha men uıaly telefondy alyp ketken.
21 qańtarda ShQO Úrjar aýdany Baqty aýylynyń shetinde karabınmen jeke kásipkerdi atyp óltirgen turǵyn ustaldy.
Mıınstrlik ókili habarlaǵandaı, buryn jasalǵan 700-den astam qylmys, onyń ishinde aýyr jáne asa aýyr qylmystar da ashylǵan.
Іzdeýde júrgen 107 qylmysker ustalǵan.
«Máselen, jappaı tártipsizdikke qatysqan sondaı-aq qyzmetkerler men áskerı qyzmetshilerge qarsy qylmys quraly bolǵan metall armatýra taratqan Almaty qalasy men Almaty oblysynyń alty turǵyny ustalyp, ýaqytsha ustaý ızolıatoryna qamaldy. Nur-Sultanda memleketaralyq izdeýde júrgen Jambyl oblysynyń turǵyny, 5 qańtarda Jambyl oblysy Shý aýdany Tóle bı kentinde Nur Otan partııasynyń ákimshilik ǵımaratyn órteýge qatysqan azamat ustaldy», - dedi Baǵlanbek Aıtpaev.
