Jambyl oblysynda mektepterdiń 95 paıyzy Internet jelisine qosylǵan
ASTANA. 10 qazan. QazAqparat - Jambyl oblysynda barlyq mektep kompıýterlik júıege engen jáne telefon baılanysymen qamtamasyz etilgen.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde bolǵan baspasóz máslıhatynda Jambyl oblysynyń ákimi Qanat Bozymbaev málim etti.
«Oblys mektepteriniń 95 paıyzy Internet jelisine qosylǵan.
138 mektepte 690 ınteraktıvtik taqta ornatyldy. 45 bilim nysany e-learning elektrondy oqytý júıesin paıdalanyp otyr.
Osy jyly Ulttyq biryńǵaı testileý qorytyndysy boıynsha oblystyń ortasha kórsetkishi 75,02 baldy qurap, respýblıkalyq kórsetkishten 0,52 balǵa joǵary boldy. Eger, 2009 jyly biz respýblıka boıynsha sońǵy orynda bolsaq, qazir bel ortaǵa kóterildik. Árıne, munymen toqtap qalmaımyz, bul jumystar ári qaraı da jalǵasyn tabatyn bolady »,-dedi Q. Bozymbaev.
Sondaı-aq, aǵymdaǵy jyly oblystyń 48 oqýshysy halyqaralyq olımpıadalar men ǵylymı jarystardyń jeńimpazdary atanyp (2012 jyly - 36 oqýshy), respýblıka boıynsha komandalyq 1 oryndy ıelengen.
