Jambyl oblysynda «Mektepke jol aktsııasy» bastaldy

TARAZ. QazAqparat - Óńirde jyl saıyn dástúrli túrde ótkiziletin «Mektepke jol» qaıyrymdylyq aktsııasy bastaldy, dep habarlaıdy QazAqparat tilshisi oblystyń bilim basqarmasyna silteme jasap.

«Óńirde QR Bilim jáne ǵylym mınıstrliginiń bastamasymen «Mektepke jol» dástúrli jalpyrespýblıkalyq aktsııasy bastaldy. Demeýshiler men metsenattar atalmysh aktsııany ótkizýde úlken qoldaý men kómek kórsetedi.  Ótken jyly az qamtylǵan otbasydan shyqqan 30 myńǵa jýyq balaǵa 221 mln teńge kóleminde materıaldyq kómek jasaldy. Bıyl atalmysh aktsııa «Baqytty balalyq shaq!» uranymen 30 qyrkúıekke deıin jalǵasady», - dedi basqarma ókili.

Basqarmada málim etkendeı, aktsııanyń basty maqsaty - az qamtylǵan jáne kópbalaly otbasylardyń, jetim jáne ata-ana qamqorlyǵynsyz qalǵan balalardyń jańa oqý jylyna daıyndalýyna kómek kórsetý.

Aktsııa barysynda mektepke barmaıtyn balalardy anyqtaý úshin quqyq qorǵaý organdary men úkimettik emes uıymdar birlesip reıd ótkizýdi josparlap otyr. Tártip saqshylary reıdti kompıýterlik klýbtarda, ártúrli oıyn-saýyq oryndarynda, sondaı-aq, saıajaılar men bazarlarda, vokzaldarda júrgizetin bolady. 

Atalmysh sharaǵa úles qosam deýshiler oblys mektepterine mektep formasy men oqýǵa qajet qural-jabdyqtardy apara alady. Kómekke zárý ata-analar men balalardyń tizimin jergilikti mektepter belgileıdi. Sondaı-aq, oqý quraldaryna muqtaj ata-analar arnaıy ótinish bildire alady.

Oblystyq bilim basqarmasynyń málimetinshe, Jambyl oblysynda 2017-2018 oqý jylynda 451 mektep bolǵan. Onda 214 myń oqýshy bilim alady.