Jambyl oblysynda medıtsınalyq anyqtamalar «OLX» arqyly satylǵan
TARAZ. QazAqparat - «OLX» jarnama saıtynda jarııalanǵan habarlandyrý sybaılas jemqorlyqqa qarsy tekserýlerge sebep bolǵan, dep habarlaıdy QazAqparat tilshisi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblystyq departamenti baspasóz qyzmetine silteme jasap.
Vedomstvodan habarlaǵadaı, saıttardyń birine júrgizilgen tekserý barysynda medıtsınalyq anyqtamalardy satý týraly usynystar tabylǵan. Atap aıtqanda, «086/ý medkomıssııasy, jumys, oqý» úlgisindegi anyqtama qaǵazdaryn satý usynylǵan. «Jas Otan qory» korporatıvtik qorynyń qyzmetkerleri jasyryn satyp alýshy ádisimen №7 qalalyq emhananyń qyzmetkeri B.Dosymbekovamen habarlasyp, dárigerlerdiń qoly men móri qoıylǵan medıtsınalyq anyqtamany tekserýden ótpeı-aq alǵan.
Tergeý nátıjesinde B.Dosymbekovamen eńbek sharty buzylyp, emhananyń bes qyzmetkeri túrli tártiptik jazaǵa tartyldy.
Foto: kto-chto-gde.ru
