Jambyl oblysynda mas kúıinde kólik basqarǵan 35 júrgizýshi anyqtaldy
TARAZ. QazAqparat – Jambyl oblysynda mas kúıinde kólik basqarǵan 35 júrgizýshi anyqtaldy, dep habarlaıdy QazAqparat tilshisi.
Jambyldyq polıtseıler «Qaýipsiz jol» jedel-aldyn alý is-sharasyn qorytyndylady. Shara 10 kúnge sozyldy.
«Patrýldik polıtsııa batalonynyń qyzmetkerleri jol qozǵalysy erejesin óreskel buzý derekteriniń jolyn kesti, onyń ishinde mas kúıinde kólik quralyn basqarýdyń 35 deregi anyqtaldy.
Túngi saǵat 02:00 shamasynda Taraz qalasynyń Pirmanov jáne Plehanov kósheleriniń qıylysynda 38 jastaǵy jergilikti turǵynnyń basqarýyndaǵy «Toıota Karına» markaly kólik toqtatylǵan. Tekserý barysynda polıtsııa qyzmetkerleri júrgizýshiniń buryn sot organdary tarapynan kólik quralyn basqarý quqyǵynan aıyrylǵanyn, alaıda soǵan qaramastan kólikti basqaryp, mas kúıde bolǵanyn anyqtady», - delingen oblystyq polıtsııa departamentiniń habarlamasynda.
Atalǵan derekke qatysty QR QK 346-babynyń 1-bóligi boıynsha sotqa deıingi tergeý amaldary bastaldy. Avtokólik aıyp turaǵyna qoıyldy. Quqyq buzýshylyqtyń bul túri bes jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jaýapkershilikti kózdeıdi.
Polıtsııa qyzmetkerleri arnaıy aıyp turaǵyna Jol qozǵalysy erejesin buzǵany úshin barlyǵy 123 kólikti qoıdy.
