Jambyl oblysynda mas kúıinde kólik aıdaǵan sheneýnik jazalandy

TARAZ. QazAqparat – QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti Ádep jónindegi keńesiniń otyrysynda birneshe jeke ister qaraldy, dep habarlaıdy «QazAqparat» HAA tilshisi.

Jambyl oblysy boıynsha sybaılas jemqorlyqqa qarsy vedomstvonyń memlekettik qyzmet salasyn baqylaý basqarmasynda málim etkendeı, ádep jónindegi keńes QR Memlekettik qyzmetkerleriniń ádep kodeksiniń talaptaryn buzǵan laýazymdy tulǵalarǵa qatysty tártiptik isterdi qarady.

Osylaısha, Jambyl oblystyq Kóliktegi taýarlardyń jáne qyzmetterdiń sapasy men qaýipsizdigin baqylaý basqarmasy bóliminiń basshysy Álmır Isengeldın ortasha mas kúıinde kólik aıdaǵany úshin 3 jylǵa júrgizýshi kýáliginen aıyryldy.

«Á.Isengeldın jasaǵan zańsyzdyǵyn jasyrmaı, basshylyqqa is-áreketi jóninde ýaqytynda habar bergeni úshin ádep jónindegi keńestiń músheleri ony eskertý túrindegi táptirtik jaýapkershilikke tartý týraly usynys bildirdi», - dedi Sybaılas jemqorlyqqa qarsy is-qımyl agenttigi departamentinde.

Vedomstvoda atap ótkendeı, QR Memlekettik qyzmetkerleriniń Ádep kodeksiniń alǵash ret «100 naqty qadam» - Ult josparynda aıtylǵan talaptary men normalarynyń saqtalýy memlekettik qyzmetker bolý qoǵam men memleket tarapynan erekshe senimniń nyshany ekenin bildirip, memlekettik qyzmetkerdiń moraldyq-etıkalyq beınesine jáne atqaratyn kásibı isine joǵary talap qoıady.

Avtor: Galına Skrıpnıak