Jambyl oblysynda mas kúıinde 51 adamdy tasymaldaǵan avtobýs júrgizýshisi ustaldy
JAMBYL OBLYSY. Tamyzdyń 5-i. QazAqparat - Jambyl oblysynda jol polıtsııasy ınspektorlary mas kúıinde 51 adamdy tasymaldaǵan avtobýs júrgizýshisi ustaldy, dep habarlady ІІM Jol polıtsııasy komıtetiniń baspasóz qyzmetinen.
Aǵymdaǵy jylǵy tamyzdyń 5-inde, sársenbi kúni 06-50 saǵat shamasynda Almaty - Tashkent avtojolynyń 215 km Jambyl oblysynyń Qordaı aýdany aýmaǵynda jol polıtsııasy qyzmetkerleri «Setra» markaly avtobýsty mas kúıinde basqarǵan, 40 jastaǵy júrgizýshi ustaldy. Avtobýstyń qozǵalys baǵyty «OQO, Saryaǵash - Almaty», avtobýs salonynda 51 jolaýshy boldy.
Avtobýs júrgizýshiniń qujattary ákimshilik sotqa tapsyrylady. Oǵan QR ÁQBtK-niń 467 babyna sáıkes «Júrgizýshiniń mas kúıinde kólik quralyn júrgizgeni úshin» júrgizýshi kýáliginen 2 jyl merzimge deıin aıyrý kózdeledi.
