Jambyl oblysynda malshydan 9 kelige jýyq marıhýana tabyldy
TARAZ.QazAqparat – Jambyldyq polıtseıler shopannan toǵyz kelige jýyq marıhýana tapty, dep habarlaıdy QazAqparat tilshisi.
Polıtsııa qyzmetkerleri Shý aýdanyndaǵy jaıylymnyń qumǵa deıingi aımaǵynda jedel-izdestirý is-sharalaryn júrgizdi. Onyń barysynda malshy bolyp jumys isteıtin 45 jastaǵy jergilikti turǵynnan «keptirilgen marıhýana» esirtki zaty tabyldy. Tárkilengen marıhýananyń jalpy salmaǵy 8 kılogramm 880 grammdy qurady.
«Atalǵan fakti boıynsha QR QK 296-baby 4-bóligi boıynsha sotqa deıingi tergeý bastaldy. Atalǵan qylmys úshin úsh jyldan jeti jylǵa deıingi merzimge bas bostandyǵynan aıyrý jazasy qarastyrylǵan», – deıdi oblystyq PD esirtki qylmysyna qarsy is-qımyl basqarmasynyń bastyǵy Asqar Jumabekov.
Ustalǵan azamat óz kinásin moıyndap, Shý aýdanynyń ÝUI-ne qamaýǵa alyndy.
