Jambyl oblysynda Mádenıet úıi men sport kesheni paıdalanýǵa berildi
TARAZ. QazAqparat – Jambyl oblysyndaǵy Býryl aýylynda eki birdeı nysan el ıgiline berildi, dep habarlaıdy QazAqparat tilshisi
Táýelsizdik kúnine oraı Baızaq aýdanyndaǵy Býryl aýyldyq okrýginde jańa dene shynyqtyrý - saýyqtyrý kesheni jáne 180 oryndyq Mádenıet úıi esigin aıqara ashty.
Paıdalanýǵa berilgen jańa dene shynyqtyrý-saýyqtyrý kesheniniń qurylysyn merdiger «Taraz qurylys Dızaın» jaýapkershiligi shekteýli seriktestigi júrgizgen.
Jalpy quny 349 mıllıon 900 myń teńgeni quraǵan joba bas-aıaǵy jeti aıda turǵyzylǵan.
Sport kesheninde fýtbol, voleıbol, basketbol, sambo, boks, taekvondo jáne dzıýdo sııaqty birneshe sport sektsııalary jumys isteıdi.
Munda túrli sporttyq is-sharalar, aýdandyq jáne oblystyq deńgeıdegi jarystar, sondaı-aq oqý-jattyǵý jıyndary ótkizilmek. Keshen úlken arena, ámbebap zal, boks jáne kúres zaldary jáne 4 kıim aýystyratyn bólmelermen qamtylǵan.
Barlyq sport zaldary kerekti qural-jabdyqtarmen, onyń ishinde boks rıngimen, kúres matrastary jáne tósenishterimen, grýsha jáne basqa da trenajerlarmen jabdyqtalǵan.
Sol sekildi, 180 oryndyq Mádenıet úıiniń saltanatty ashylýyn da barsha býryldyqtar, ásirese, aýyl jastary asyǵa kútken. Aýyl aqsaqaldary endi sportsúıer, daryndy jastar, ónerpaz órenderdiń bas qosatyn, talantyn shyńdaıtyn oryndary bar ekenin aıtyp shattanýda.
Eki jańa nysannyń saltanatty ashylýyna arnaıy qatysqan oblys ákiminiń orynbasary Talǵat Mamaev pen aýdan ákimi Nurjan Nurjigitov aýyl turǵyndaryn Táýelsizdik merkesimen jáne qos qýanyshtarymen quttyqtady.
«Býryl aýyldyq okrýgine úsh mıllıard teńge kóleminde qarjy bólinip, nátıjesinde birqatar áleýmettik nysandar salyndy. Olardyń qatarynda, paıdalanýǵa berilip otyrǵan dene shynyqtyrý-saýyqtyrý kesheni men 180 oryndyq Mádenıet úıin aıryqsha aıtýǵa bolady. Endi, bul nysandar sizderdiń sportpen shuǵyldanýǵa degen yntalaryńyzdy, rýhanı jáne estetıkalyq talaptaryńyzdy qanaǵattandyrady dep senemiz. Osy jerden nebir maıtalman sportshylar, óner ıeleri qanat qaǵyp shyǵady degen oıdamyn. Barlyqtaryńyzdy merekemen quttyqtaımyn», - dedi Talǵat Mamaev.
Aıta keteıik, Mádenıet úıiniń jobalyq quny 161 mıllıon 500 myń teńgege baǵalanǵan. Merdiger toǵyz aıǵa josparlanǵan qurylysty merziminen buryn aıaqtaǵan.
