Jambyl oblysynda qyzmetkerlerge 740 mln teńge jalaqy qaryzy óteldi
TARAZ. QazAqparat - Óńirde prokýratýranyń aralasýymen jyl basynan bastap 740 mln teńgeden astam kólemde 11 711 qyzmetkerge jalaqy qaryzy tólendi.
Bul týraly «QazAqparat» HAA tilshisine Jambyl oblysy prokýratýrasynyń 1-shi basqarmasynyń aǵa prokýrory Abyroı Azamatov aıtty.
«Eńbek zańnamasyn buzǵany úshin 138 tulǵa jaýapkershilikke tartyldy, - dep túsindirdi qadaǵalaý organynyń ókili. - Sondaı-aq ýákiletti organǵa qaryzdy óndirip alý, jaýapkershilikke tartý boıynsha sheshim qabyldaý úshin 44 usynym engizildi, ol boıynsha tıisti sharalar qabyldandy».
Sonymen, «Talas Investment Kompanı» JShS-da 15,8 mln teńge somasynda 380 qyzmetkeriniń aldyndaǵy 2016 jylǵy shildedegi bereshegi óteldi. Sondaı-aq «Amangeldi MÓZ» JShS-nyń Tarazdaǵy fılıalynda 30 mıllıon teńgeden astam somasynda jalaqy boıynsha qaryzy óteldi. 385 qyzmetkerdiń quqyǵy qalpyna keltirildi.
Tutastaı, búginde Jambyl oblysynyń aýmaǵynda eńbek salasynda áleýmettik-ekonomıkalyq jaǵdaı turaqty kúıde qalýda, dep habarlady oblystyq prokýratýradan.
