Jambyl oblysynda qyzǵaldaqtar erte gúldedi
TARAZ. QazAqparat – Jambyl oblysynyń ońtústiginde qyzǵaldaqtar erte gúldeı bastady, dep habarlaıdy QazAqparat tilshisi.
Aqpan aıynyń ortasyna deıin Jambyl oblysynda salystyrmaly túrde aýa raıy jyly bolyp, +19 grdaýsqa deıin jetti. Al naýryz aıynda kúrt sýytyp, túnde aýa temperatýrasy 0,+1 grdaýsty kórsetti. 6,7 naýryz kúnderi Tarazda jáne onyń mańynda qar jaýdy.
Kópjyldyq baqylaý kórsetkendeı, Tarazda, ádette, 8 naýryz — Halyqaralyq áıelder merekesinde aýa temperatýrasy tómendep, jaýyn-shashyn (jańbyr, qar) túsedi.
Al Jýaly aýdany Qarataý taýlarynda alǵashqy qyzǵaldaqtar gúldeı bastady.
Óz ólkesiniń jabaıy tabıǵatyndaǵy ósimdikter men janýarlar álemin sýretke túsirýmen jáne ornıtologııasymen aınalysatyn Jýaly aýdany Ertaı aýylynyń turǵyny Málik Núkispekov Facebook-tegi paraqshasynda osy jylǵy alǵashqy qyzǵaldaqtardyń sýretin jarııalady.
«Jýaly ańǵarynda jáne jalpy Qazaqstannyń ońtústiginde qyzǵaldaqtardyń gúldeýi alǵashqy kóktemgi qyzǵaldaqtardyń biri - tikaıaqty qyzǵaldaqtardan (Tulipa orthopoda) bastaldy, - dedi Málik Núkúspekov QazAqparat tilshisine. – Bul – Qazaqstannyń endemıgi, atalǵan túr tek Syrdarııa Qarataý, Kishi Qarataýda kezdesedi. Sýret 6 naýryzda túsirilgen. Taýlarda jazyqqa qaraǵanda qashan da sýyq bolady, osyndaı aýa raıyna qaramastan, qyzǵaldaqtar erte gúldeı bastady. Gúlderin ashýǵa tolyǵymen daıyn. Árıne, gúldeý úshin bul ýaqyt óte erte. Mundaı qyzǵaldaqtar tómengi taýdyń sazdy jáne tasty baýraılarynda naýryz aıynyń sońǵy aptasynda – sáýir aıynda gúldeıdi».
Bul qyzǵaldaq túri Jambyl oblysy Jýaly aýdany Berqara botanıkalyq qoryǵynda ishinara qorǵalady.
Tabıǵat áýesqoıynyń aıtýynsha, bıyl olar Jambyl oblysy boıynsha sırek kezdesetin qyzǵaldaq túrlerin izdeýge arnalǵan kóktemgi ekspedıtsııalar josparlaǵan.
