Jambyl oblysynda Qyrǵyzstannan kontrabandalyq jolmen taýyq etin ótkizip kelgen eki azamat ustaldy
ASTANA. 24 tamyz. QazAqparat - Jambyl oblysynyń qarjy polıtsııasy organdary Qyrǵyzstannan «Aısha Bıbi» keden beketi arqyly qatyrylǵan taýyq etterin kontrabandalyq jolmen tasyp júrgen Taraz qalasynyń eki turǵynyn ustady.
K.Zýlýfogly men onyń balasy bul áreketpen uzaq ýaqyt boıy aınalysyp júrgen. Arnaıy júrgizilgen jedel- aldyn alý sharasynyń barysynda ustalǵan azamattardyń kontrabandalyq júkti jasyrý maqsatynda qatyrylǵan taýyq etiniń ústine kartop salǵan qap tıegenderi anyqtaldy. Olar bul qylmystaryn jasyrý úshin qarjy polıtsııasy ókilderin ózderine «qamqorshy» bolýǵa úgittegen. Ol úshin saqshylarǵa belgili bir mólsherde tıisti qarjy berip turmaq bolǵan. Al jedel-izdestirý sharasynyń barysynda ustalǵan azamattar qarjy polıtsııasy qyzmetkerlerine 11 myń AQSh dollary kóleminde «para» bermek bolǵan. Osy áreketteri úshin K. Zýlýfogly 2,5 jylǵa onyń uly R.Zýlýfov 2 jylǵa shartty túrde bas bostandyǵynan aıyryldy.
