Jambyl oblysynda qymyz óndirýshiler qaýymdastyǵy quryldy

TARAZ. QazAqparat -  Jambyl oblysy Kásipkerlik palata járdemimen óńirde «Qazaq qymyzy» qymyz óndirýshiler qaýymdastyǵy quryldy, dep habarlady Kásipkerler palatasy baspasóz qyzmetine silteme jasap «QazAqparat» HAA tilshisi.

Ulttyq ónim qaýymdastyǵyn qurý ıdeıasy 2016 jyly uıymdasqan óńirlik Kásipkerler palatasynda týyndaǵan. Resmı tirkelgen qaýymdastyq bolǵanǵa deıin olarmen birge KP agroónerkásiptik keshen bóliminiń bastyǵy Rýstan Rahymbaev birge júrdi.  Onyń pikirinshe, bul aýyldyqtar úshin perspektıvaly jáne jetkilikti dárejede tabysty baǵyt, qaýymdastyq Qazaqstanda qymyz óndirý tehnologııasyn taratý maqsatynda ǵana emes, sonymen birge jylqy sútin damytý úshin quryldy.

 

Búginde qaýymdastyqqa Taraz ben oblys aýdandarynan bes kásipker kirdi. Olar «Bekbolat» ShQ,  Jasulan ShQ,  «Jýasbek» ShQ jáne JK «Seıitjan». Qaýymdastyq perzıdenti «Zań» JShS dırektorynyń orynbasary  bolyp Elmıra Ybynalıeva saılandy.

Birigý josparlary men salanyń problemalary jaıynda JShS dırektory, ǵylymı-tehnıkalyq keńes múshesi M.-H.Dýlatı atyndaǵy TarMÝ qurmetti professory Dúısenbek Ybynalıev aıtyp berdi. «
Qymyz Qazaqstannyń brendi bolý kerek. Mysaly, Germanııa dástúrli jyl saıynǵy syra festıvalin ótkizedi. Anglııada shaı dástúri bar, biz Qazaqstanda Qymyz kúnin atap ótedi degen senimdemiz», - deıdi ol.