Jambyl oblysynda qylmys sany 30 paıyzǵa azaıdy
«Bul kórsetkishke jyl basynan beri qabyldanǵan is-sharalardyń arqasynda qol jetkizip otyrmyz. Oblys aýmaǵynda aýyr jáne asa aýyr qylmystar sany azaıyp, olardyń ashylý kórsetkishi artty.
Kisi óltirý, qaraqshylyq, alaıaqtyq, ınternet alaıaqtyq, mal urlyǵy, páter urlyǵy, qalta urlyǵy, densaýlyqqa aýyr zııan keltirý sekildi qylmys túrleri azaıdy. Qoǵamdyq oryndarda jasalǵan jáne kámeletke tolmaǵandar arasyndaǵy qylmystar sanynyń da azaıǵanyn erekshe atap ótkim keledi. Munymen qosa, Jambyl óńirinde uzaq ýaqyt boıy áreket etip kelgen birneshe uıymdasqan qylmystyq toptardyń da joly kesildi», – dedi Jambyl oblysy Polıtsııa departamentiniń bastyǵy, polıtsııa general-maıory Armanbek Baımýrzın jýrnalıstermen ótken brıfıngte.
Departament bastyǵy sondaı-aq, sıntetıkalyq esirtkimen kúres, jol apattary, polıtsııa qyzmetin tsıfrlandyrý máselelerindegi kemshilikter men jetistikterge de toqtaldy.
Buǵan deıin Tarazda polıtsııa qyzmetkeri kanaldan eki balany qutqaryp qalǵan dep habarlaǵan bolatynbyz.