Jambyl oblysynda qus ósiretin baza órtendi
TARAZ. QazAqparat. Jambyl oblysynda baza órtenip, 98 úı qusy órtenip ketti, dep habarlaıdy QazAqparat tilshisi.
Jambyl oblysy TJ departamentiniń 101 qyzmetine Jambyl aýdanyndaǵy «Murager» sharýa qojalyǵyndaǵy órt oqıǵasy jóninde habarlama kelip túsken. Úı qustaryn ustaıtyn bazanyń shatyry órtengengen
«Jalpy aýdany 840 sharshy metr bolatyn bazanyń 470 sharshy metri otqa oranǵan. Órt saldarynan baza shatyry jáne 98 úı qusy qyrylyp qaldy. Qazirgi ýaqytta órttiń shyǵý sebebi men keltirilgen materıaldyq shyǵyny anyqtalýda. Órt sóndirýshiler órtti eki jarym saǵattan astam ýaqytta óshirgen»,-delingen habarlamada.
Sondaı-aq, Jambyl oblysy boıynsha ótken táýlikte Qordaı aýdany, Masanchı aýyly, Ulytaý kóshesindegi №30 turǵynúıdiń as bólmesinde peshtiń órtengendigi, Taraz qalasy, «Talas» móltek aýdany páterdiń birindiń qonaq bólmesinde kórpe-tósektiń janý oqıǵalary tirkeldi.
Joǵaryda atalǵan órt oqıǵalary kezinde adam shyǵyny men zardap shekkender joq.