Jambyl oblysynda koronavırýstan kóz jumǵan naýqas júk kóliginiń júrgizýshisi bolǵan
NUR-SULTAN. QazAqparat - Jambyl oblysynda koronavırýstan kóz jumǵan naýqasqa qatysty málimetter jarııalandy, dep habarlaıdy QazAqparat oblys ákimdigine silteme jasap.
61 jastaǵy er adam Pavlodar oblysynyń turǵyny. Ol alysqa qatynaıtyn júk kóliginiń júrgizýshisi bolyp jumys istegen. 20 naýryz ben 18 sáýir aralyǵynda Reseı, Belarýs, Polsha, Chehııa jáne Qyrǵyz Respýblıkalarynda bolǵan.
Algorıtmge sáıkes memlekettik shekarany kesip ótý kezinde odan COVID-2019-ǵa alynǵan zerthanalyq taldaý oń nátıje kórsetken.
19 sáýirinde naýqastyń dene qyzýy joǵarlap, qaltyraý, álsizdik pen qurǵaq jótelge qatysty shaǵymdmen aýrýhanaǵa jatqyzylǵan. Dıagnostıka barysynda, tynys alý jetkiliksizdigi bar eki jaqty polısegmentarly pnevmonııanyń asqynýymen koronavırýs ınfektsııasy rastalǵan.
Emdeý sharalary jáne naýqasty baqylaý Nur-Sultan qalasyndaǵy KVI boıynsha ahýaldyq ortalyqtyń mamandarymen onlaın rejımde kelisilip otyrdy.
23 sáýirden bastap naýqastyń jaǵdaıy qosymsha aýrýlaryna baılanysty nasharlaı túsken. Qosymsha aýrýlary: júrek zaqymdalýymen gıpertonııalyq aýrý, sozylmaly bronhıt jáne 2 dárejeli semizdik.
Qarqyndy emdeý sharalaryna qaramastan, kóptegen músheler qyzmetiniń jetkiliksizdigi belgisi joǵarylady.
4 mamyrda saǵat 01.20-da reanımatsııalyq is-sharalar nátıjesiz bolyp, naýqastyń júregi toqtady.
Eske sala ketsek, 4 mamyrda saǵat 22:20-da Jambyl oblysynda 1, Qaraǵandy oblysynda 1 naýqas koronavırýstan kóz jumǵany habarlandy.
