Jambyl oblysynda koronavırýs juqtyrǵan eki azamat ta karantındik statsıonarda jatqan
TARAZ. QazAqparat – Búgin saǵat 09:50-degi jaǵdaı boıynsha Jambyl oblysynda eki adam kornavırýs juqtyryp alǵandyǵy málim boldy.
Vırýs juqtyrǵandar Baızaq jáne Taraz qalasynyń 1998 jylǵy turǵyndary. Ekeýi de ózderine deıin vırýsty juqtyrǵan adamdarmen baılanysta bolǵany úshin karantındik statsıonarǵa jatqyzylǵan, dep habarlady Tótenshe jaǵdaı rejımin qamtamasyz etý jónindegi Memlekettik komıssııanyń jedel shtaby.
Úı oshaqtary boıynsha 6 qarym-qatynas jasaǵan adam anyqtaldy. Olar karantındik statsıonarǵa jatqyzylyp, PTR taldaýǵa synamalar alynyp jatyr.
23 sáýirdegi jaǵdaı boıynsha Jambyl oblysynyń aýmaǵynda koronavırýs ınfektsııasyn juqtyrǵan 79 adam tirkelgen. 31 adam aýrýdan aıyǵyp, qazirgi tańda dárigerlerdiń baqylaýynda.
