Jambyl oblysynda koronavırýs juqtyrǵan 9-shy adam — Túrkııa azamaty
TARAZ. QazAqparat – Jambyl oblysynda tirkelgen koronavırýstyń toǵyzynshy deregi Túrkııa azamatynan anyqtalǵan,-dep habarlaıdy QazAqparat oblys ákiminiń baspasóz qyzmetine silteme jasap.
Anyqtalǵan naýqas Bishkek-Almaty baǵyty boıynsha júk tasymaldaǵan 59 jastaǵy Túrkııa azamaty bolyp shyqty.
Algorıtmge sáıkes medıtsınalyq qyzmetkerlerdiń úılesimdi áreketteriniń arqasynda azamat Qyrǵyzstan-Qazaqstan shekarasynan engen ýaqytta karantındik statsıonarǵa oqshaýlanǵan. Odan koronavırýsqa alynǵan taldaýlar oń nátıje berdi.
Jaqyn baılanysta bolǵan tórt adam anyqtalyp, karantınge ornalastyryldy. Olardyń taldaýlary teris nátıje kórsetti.
Naýqastyń bolǵan jerleri boıynsha dezınfektsııalyq óńdeýler júrgizildi.
