Jambyl oblysynda koronavırýs anyqtalǵan eki adamnyń dertti qalaı juqtyrǵany belgili boldy
NUR-SULTAN. QazAqparat - 1 sáýirde Jambyl oblysynda koronavırýs juqtyrýdyń jańa eki jaǵdaıy tirkelgen. Búginde naýqastardyń dertti qalaı juqtyrǵany málim boldy, dep habarlaıdy coronavirus2020.kz.
Olardyń bireýi — Taraz qalasynyń 41 jastaǵy turǵyny. «Qyzylorda-Petropavl» baǵytyndaǵy poıyzda Túrkistan oblysynyń turǵynymen baılanysta bolǵan.
Onyń Túrkistan oblysyna oralǵan kezde indet juqtyrǵany belgili bolǵan edi.
Olarmen baılanysta bolǵan 8 adam karantın bólimshesine jatqyzyldy. Koronavırýs ınfektsııasyna taldaý alyndy.
Sonymen qatar, «Qyzylorda-Petropavl» poıyzynda Túrkistan oblysynyń atalǵan turǵynymen baılanysta bolǵan 7 jolaýshy karantınge jatqyzyldy. Olardyń qan taldaýy teris nátıje kórsetti.
Ekinshi naýqas — 1991 jylǵy Jambyl oblysynyń turǵyny. Ol 30 naýryzda óńirge Reseı Federatsııasynan kelgen.
Kelgen kezde tártip boıynsha karantın statsıonaryna jatqyzyldy. Synamasy oń nátıje kórsetkennen keıin ınfektsııalyq statsıonarǵa aýystyryldy.
Eki naýqastyń da jaǵdaıy qanaǵattanarlyq, aýrýy jeńil túrde ótip jatyr, hattamaǵa sáıkes qajetti em alyp jatyr.
Sanıtarlyq-epıdemııalyq qyzmetter olardyń turǵan jerleri men bolǵan oryndaryndaǵy oshaqtarda dezınfektsııa jumystaryn júrgizdi.
