Jambyl oblysynda kópbalaly otbasylar qonys toıyn toılady
Jambyl aýdanynyń Asa aýylyndaǵy «Báıterek» yqsham aýdanynda salynǵan úıdiń paıdalanýǵa berý saltanatyna oblys basshysy Asqar Myrzahmetov qatysyp, páter ıelerine kiltterdi tabystady.
Arendalyq negizde berilgen páterlerge ıe bolǵandardyń deni kópbalaly jáne tolyq emes otbasylar. Barlyǵy 18 otbasy qonys toıyn toılaýda. Turǵyn úı aýdandyq bıýdjet esebinen boı kóterdi. Jalpy quny – 146,9 mıllıon teńge.
Aıta keteıik, aǵymdaǵy jyldyń birinshi jartyjyldyǵynda oblys boıynsha 120 kópbalaly otbasyǵa páter kilti tabystalǵan bolatyn. Onyń 93-i - arendalyq, 27-si demeýshiler esebinen tegin berildi. Jyl sońyna deıin 493 kópbalaly januıany turǵyn úımen qamtamasyz etý josparlanǵan bolatyn. Sondaı-aq, turǵyn úı kezegi kelgenge deıin kópbalaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna tıisti qarajat qarastyrylyp, jyl sońyna deıin paıdalanýǵa beriledi dep kútilýde.
Budan bólek, «Nurly jer» baǵdarlamasy aıasynda bıyl jalpy 17,6 mlrd teńgege barlyǵy 30 kópqabatty (2 118 páterli) turǵyn úıdiń qurylysy júrgizilip, jyl sońyna deıin 28 kópqabatty (1988 páterli) turǵyn úıdi paıdalanýǵa berý josparlanýda.
Jalpy, Konstıtýtsııa jáne Bilim kúni merekelerine oraı oblys boıynsha 800-ge jýyq páterdi quraıtyn 11 kópqabatty turǵyn úı qoldanysqa tapsyryldy. Onyń 9-y Taraz qalasynda, ekeýi Jambyl jáne Talas aýdandarynda salynǵan.
.
