Jambyl oblysynda kommýnaldyq menshiktegi 21 mekeme jekeshelendiriledi
Kommýnaldyq menshik salasynda 37 uıymnyń tizbesi bekitilgen. Onyń ekeýi 2014-2016 jyldar aralyǵynda taratylsa, 10-y 2015-2016 jyldary senmigerlik basqarýǵa berilgen. «Qaýly talaptaryna sáıkes, qalǵan 25 uıym básekeli ortaǵa 2017-2018 jyldary berilýi tıis», - deıdi Jambyl oblystyq qarjy basqarmasynyń basshysy Gamlet Qaınarbekov.
Oblystyq kommýnaldyq menshik nysany bolyp tabylatyn 21 uıymnyń 19-y bıylǵy jyly satylýy kerek. Óńirlik kommýnıkatsııalar qyzmetinde ótken brıfıngte málim bolǵandaı, olardyń 4-eýi satylyp, oblys bıýdjetine 1 mlrd. 99 mln teńge qarajat túsken. Ótinishterdiń túspeýine baılanysty 6 uıymǵa tender ótkizilmegen. Osy 6 uıymnyń ishindegi - Jambyl oblystyq konsýltatsııalyq jáne dıagnostıkalyq medıtsına ortalyǵyn jekeshelendirýge bermeý jóninde QR Ulttyq ekonomıka mınıstrligine Jambyl oblysy ákiminiń atynan hat joldanǵan. Sebebi, atalǵan mekeme basshysy men qyzmetkerleri tarapynan oblysqa bir dıagnostıkalyq ortalyqtyń qajettigi týraly ótinim kelip túsken bolatyn. Ázirge, onyń jaýaby kútilýde. Brıfıngte basqarma basshysy osy jyldyń qazan-jeltoqsan aılarynda aýktsıonǵa shyǵarylatyn mekemeler tizbesin atap ótti.
«Qazan aıynda saýda-sattyqqa shyǵarylyp, ótinishterdiń túspeýine baılanysty ótpegen dep tanylǵan «Tarazenergoortalyq» AQ, «Temir jol jylý» jáne №9 qalalyq emhana senimgerlik basqarýǵa berý úshin satylymǵa shyǵarylady. «Aısha bıbi» sý doby klýbyn» da daıyndap otyrmyz. Kestege sáıkes, 5 uıym, atap aıtsaq, Jýaly aýdanynyń «Jasyl El - Jýaly», Sarysý aýdanynyń «Kógaldandyrý jáne kóriktendirý», Shý aýdanynyń «Shý - Servıs» jáne «Tarazkommýnalkólik» JShS-lary men Merki aýdany ákimdiginiń «Taza sý» mekemesi qazan-jeltoqsan aılarynda shyǵarylady», - Gamlet Qaınarbekov.
