Jambyl oblysynda «Qazfosfat» zaýytynda shatyr opyrylyp, jumysshy kóz jumdy

TARAZ. QazAuqparat - Jambyl oblysynda er adam jumys ornynda alǵan jaraqattan kóz jumdy, dep habarlaıdy Polisia.kz.

13 qyrkúıek saǵat 16:20 shamasynda Sarysý aýdany polıtsııa bóliminiń kezekshi bólimine aýdandyq aýrýhanadan habar túsken.

Onda «Qazfosfat» óndiris ornyna tıesili ortalyq baıytý fabrıkasy ǵımaraty shatyrynyń taqtaıshasy qulap ketip, ǵımarat ishinde jumys jasap júrgen úsh qyzmetkerdiń túrli dene jaraqatymen aýrýhanaǵa jetkizilgeni aıtylǵan.

Saldarynan kásiporynnyń 58 jastaǵy jumysshysy oqıǵa ornynda kóz jumdy.

Atalǵan derekke qatysty Qazaqstan Respýblıkasy Qylmystyq kodeksiniń 156-baby 3-bóligi boıynsha sotqa deıingi tergeý amaldary bastaldy.

Sondaı-aq, eńbek ınspektsııasymen arnaıy tekserý júrip jatyr.

Qajetti sot-medıtsınalyq jáne sot-qurylys saraptamalary taǵaıyndaldy.

Foto: polisia.kz