Jambyl oblysynda Qazaqstan Respýblıkasy Qarýly Kúshteri basshylyq quramynyń jıyny ótýde
ALMATY. Maýsymnyń 22-si. QazAqparat /Danııar Sıqymbaev/ - Jambyl oblysy Gvardııa garnızonynyń qurylymdary men áskerı bólimderi bazasynda maýsymnyń 21-24-i aralyǵynda Qazaqstan Respýblıkasy Qarýly Kúshteri basshylyq quramymen oqý-ádistemelik jıynyn ótkizýde. Jıynǵa qatysýshylardyń quramyna Qarýly Kúshter ásker túrleriniń Bas qolbasshylary, Óńirlik áskerler qolbasshylyqtarynyń qolbasshylary, áskerı quramalar komandırleri men olardyń orynbasarlary, serjanttyq korpýstyń ókilderi jáne áskerı vedomstvonyń qurylymdyq bólimderiniń basshylary engizildi.
Bul jıynda Qazaqstan armııasynyń ásker basshylary atý jáne dene daıarlyǵy, áskerı mashınalardy júrgizý, jetekshi qujattardy bilýi boıynsha praktıkalyq emtıhan, psıhologııalyq testiler tapsyryp, komandalyq-shtabtyq áskerı oıyndarǵa qatysady.
Sonymen qatar, basshylyq quramǵa lektsııalar oqylyp, oqý-jattyǵý alańynda batalondyq-taktıkalyq kórsetilim oqý-jattyǵýlary jáne jaýyngerlik mashınalar parkinde parktik-sharýashylyq jumystary kórsetiledi.
Synaqtardy qabyldaýǵa jáne lektsııalyq sabaqtardy júrgizýge arnaıy top qurylǵan. Onyń quramyna Qorǵanys mınıstrligi jáne Shtabtar bastyqtary komıtetiniń túrli qurylymdyq bólimderiniń ókilderi endi.
Qazaqstan Respýblıkasy Qarýly Kúshteriniń basshylyq quramymen ótkiziletin jıyn tórt kúnge sozylady. Sońǵy kúni qorytyndy shyǵarylyp, synaqtar, praktıkalyq sabaqtar jáne testiler nátıjeleri jarııalanady.
«Basshylyq quram ofıtserleriniń kásiptik deńgeıin anyqtaý - ótkizilgeli otyrǵan jıyn maqsattarynyń biri ǵana. Basty maqsat: áskerı basqarma organdarynyń kúndelikti jumysynda jedel jáne jaýyngerlik daıarlyqta jetekshilik jasaý boıynsha biryńǵaı ádistemeni jetildirý. Sondaı-aq jıyn barysynda ofıtserlerdiń alǵan bilimi áskerlerdiń jedel jáne jaýyngerlik daıarlyqtyń aldyńǵy qatarly tájirıbelerin engizýge kómektesedi» - deıdi QR QM Shtabtar bastyqtary komıtetiniń tóraǵasy general-polkovnık Sáken Jasuzaqov.
