Jambyl oblysynda qatty jel poıyzdar qozǵalysyna kedergi jasady
TARAZ. QazAqparat - Temirjoldyń Jambyl bólimshesinde elektr energııasy óship qalýy tirkeldi, dep habarlady Jambyl oblystyq TJD baspasóz qyzmeti.
«Moıynqum aýdanynda № 6 beket Hantaý - Qııaqty jyldamdyqpen ótý mejesiniń aralyǵynyń 1433 shaqyrymda jel jyldamdyǵynyń 10 m/s - 15 m/s jetýi saldarynan temirjoldyń Jambyl bólimshesine tıesili 7 elektr baǵanasyna zaqym keldi. Saldarynan Hantaý jáne Qııaqty stansalary arasynda elektr energııasy óship, sol sebepti №55 «Qyzylorda-Kókshetaý» jáne №303 «Sverdlovsk-Almaty» jolaýshylar poıyzdary keshiktirildi», delingen habarlamada.
Qazir elektr energııasy berilip, eki baǵyttaǵy poıyzdar qozǵalysy qalpyna keltirilgen.
Al, basqa da qalpyna keltirý-jóndeý jumystary jalǵasyp jatyr, dep habarlaıdy oblystyq TJD baspasóz qyzmeti.
