Jambyl oblysynda kásipkerden para alǵan aýyl ákimi ustaldy

ASTANA. QazAqparat - Jambyl oblysy Shý aýdanynda Qonaev aýylynyń ákimi men aýdan ákimdiginiń qyzmetkerine qatysty tergeý aıaqtaldy, dep habarlaıdy QazAqparat tilshisi.

Ákim jergilikti kásipkerden 200 myń teńge somasynda para aldy degen kúdikke ilindi.

«Qonaev aýylynyń ákimi Shý aýdany ákimdiginiń qyzmetkeri arqyly sot sheshimimen qyzmetin toqtatqan turmystyq qatty qaldyqtar polıgonyn paıdalanǵanda sharalar qabyldamaýy úshin jáne jalpy qamqorlyǵy úshin jeke kásipkerden 200 myń teńge para aldy dep kúdikteldi», - dedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Astanada ótken brıfıngte.

Kúdiktiler óz kinásin tolyq moıyndady jáne qylmystyq is jedeldetilgen tártipte qaralýda.