Jambyl oblysynda «Qarasora-2021» operatsııasy bastaldy
«Jambyl oblysynyń Shý qalasynda «Qarasora-2021» keń aýqymdy operatsııasynyń ashylýy boldy. ІІM Esirtki qylmysyna qarsy is-qımyl departamentiniń bastyǵy Tilegen Matkenov el óńirleriniń esirtki qylmysyna qarsy is-qımyl bólimsheleriniń basshylarymen, Ulttyq ulannyń, jergilikti atqarýshy organdardyń, sondaı-aq oblystyq polıtsııa departamentiniń ókilderimen nusqaýlyq keńes ótkizdi», - dedi ol.
Onyń atap ótýinshe, keńes barysynda kannabıs tobynyń esirtki daıyndaýshylaryn anyqtaý, geroın trafıgi arnalarynyń jolyn kesý, sondaı-aq sıntetıkalyq esirtkini taratýǵa mamandandyrylǵan qylmystyq toptar, esirtki zerthanalaryn joıý boıynsha naqty mindetter aıqyndaldy.
«Jambyl jáne Qyzylorda oblystarynyń polıtsııa departamentterinde kannabısti tasymaldaý kezinde paıdalanylýy múmkin jerler men joldardy esepke alyp, patrýldeý baǵyttary ázirlengen. Áýe barlaý jumystaryn júzege asyryp keledi. Esterińizge sala keteıin, ótken jyly operatsııa qorytyndysy boıynsha esirtkini ótkizýdiń 383 jáne 162 saqtaý faktisi, qarasorany ósirýdiń 233 faktisi anyqtaldy. Jalpy aýdany 260 gektardan astam 62 plantatsııa joıyldy. Salmaǵy 20 tonnadan asatyn 53 myń túp qarasora alynyp, órteldi», - dedi Nurdildá Oraz.
