Jambyl oblysynda karantındegi úsh adamnan COVID-2019 anyqtaldy
TARAZ. QazAqparat –14 sáýir kúni Jambyl oblysynda koronavırýsty juqtyrýdyń jańadan úsh oqıǵasy anyqtaldy. Olardyń úsheýi de buǵan deıin naýqastarmen baılanysta bolǵany úshin karantındik statsıonarǵa alynǵandar, dep habarlaıdy QazAqparat oblys ákimdigiginiń resmı saıtyna silteme jasap.
Naýqastardyń biri – 1965 jyly týǵan Qordaı aýdanynyń turǵyny. Ol 10 sáýir kúni karantınge ornalastyrylǵan. Alynǵan zerthanalyq taldaýlar qorytyndysy COVID-2019 ınfektsııasyn rastady.
Sondaı-aq, karantındik statsıonarda jatqan Jambyl aýdanynyń 1999 jáne 1970 jyly týǵan eki turǵynynyń da taldaýlary oń nátıje kórsetti.
«Іndet anyqtalǵannan keıin naýqastar em alý úshin ınfektsııalyq statsıonarǵa jetkizildi.
Baıqanysta bolǵan tulǵalardy jáne juqtyrý qaýpi boıynsha mártebesin anyqtaý jumystary júrgizilýde. Oshaqtarda epıdemııaǵa qarsy is-sharalar atqaryldy», - delingen aqparatta.
Jalpy oblys boıynsha koronavırýs juqtyrýdyń 49 oqıǵasy tirkelgen. Onyń 6-aýy Delıden ushyp kelgen jolaýshylardan anyqtaldy. Sondaı-aq, Taraz qalasynda 6 oqıǵa, Qordaı aýdanynda – 30, Jambyl oblysynda – 3, Merki aýdanynda – 2, Shý jáne Moıynqum aýdandarynda – bir-bireýden tirkelgen.
