Jambyl oblysynda karantın týraly jalǵan aqparat taratqan turǵyn ustaldy
TARAZ. QazAqparat - Jambylda jalǵan aqparat taratqan turǵyn ustaldy, – dep habarlaıdy Polisia.kz.
Ol áleýmettik jeliler arqyly «S ponedelnıka 30.03.2020g. Shý zakryvaetsıa na ofıtsıalnyı karantın» degen jalǵan aqparat jarııalaǵan.
Atalǵan derek boıynsha Shý aýdandyq polıtsııa qyzmetkerleri júrgizgen jedel-izdestirý jumystarynyń nátıjesinde 2020 jyldyń 30 naýryzy kúni jalǵan aqparat taratqan 34 jastaǵy Shý qalasynyń turǵyny anyqtaldy. Ustalǵan azamat joǵaryda atalǵan málimetti áleýmettik jelilerde jarııalap, qatelik jasaǵanyn moıyndady. Atalǵan derekke qatysty QR Qylmystyq kodeksiniń 274-baby 4-bóligi 2-tarmaǵymen (tótenshe jaǵdaı kezinde, kórineý jalǵan aqparat taratý) sotqa deıingi tergeý amaldary júrgizilip jatyr.
Bul bap boıynsha úsh jyldan jeti jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy kózdelgen. Jambyl oblysynyń Polıtsııa departamenti turǵyndardan tek resmı aqparattarǵa senýdi suraıdy.
