Jambyl oblysynda karantın sharttary kúsheıtildi
TARAZ. QazAqparat – Jambyl oblysynda karantın sharttary kúsheıtildi. Bul týraly Memlekettik komıssııanyń jedel shtaby habarlady.
Jedel shatbtyń málimetterine qaraǵanda, Jambyl oblysynda koronavırýs ınfektsııasyn juqtyrǵan 28 adam anyqtaldy. Bir táýlik ishinde 17 adamnyń juqtyrǵany belgili. Olardyń barlyǵy syrttan ákelingen jáne baılanysta bolǵan adamdardan taraǵan. Naýqastar jabyq juqpaly aýrýlar statsıonaryna ornalastyryldy.
Qordaı aýdanynyń aýmaǵynda 6 sáýirden bastap erekshe sharttarmen karantın rejımi jarııalanady. Qordaı aýdanynda 3 ınfektsııa juqtyrǵan adam tirkelgen, olardyń ekeýi karantındik statsıonarda bolǵan, bireýi «Qostanaı ‒ Almaty» poıyzymen kelgen.
Aýdanda olarmen baılanysta bolǵan barlyq azamattardy anyqtaý jáne oqshaýlaý jumystary júrgizilip jatyr. Sondaı-aq, patsıentterdiń turǵylyqty jerin jáne olardyń bolǵan jerlerin zararsyzdandyrý sharalary qolǵa alynǵan.
Karantın sharalarynyń kúsheıtilýine baılanysty Qordaı aýdanynyń shekara mańyndaǵy ótkizý pýnktteri arqyly Qazaqstanǵa kirgen barlyq azamattar karantındik statsıonarǵa jatqyzylady.
