Jambyl oblysynda qaraquıryq aýlaǵan brakonerler ustaldy
NUR-SULTAN. QazAqparat – Jambyl oblysy Moıynqum aýdanynda zańsyz qaraquıryq aýlaǵan brakonerler ustaldy, dep habarlaıdy QazAqparat QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetine silteme jasap.
«2019 jyly 21 qazanda shamamen saǵat 11:30-da «Ohotzooprom» ÓB» RMQK men jergilikti polıtsııa qyzmetiniń ınspektorlary reıd sharasyn júrgizip, Jambyl oblysy Moıynqum aýdanynda zańsyz úsh qaraquıryq atqan Taraz qalasynyń eki turǵynyn ustady. Atalǵan fakt boıynsha QR QK 337-babymen qylmystyq is qozǵaldy. Sotqa deıingi tergeý jumystary júrip jatyr», - delingen resmı habarlamada.
Qaraquıryq Qazaqstannyń Qyzyl kitabyna engizilgen. Onyń bir basy úshin keltirilgen zalaldy óteý stavkasy 400 AEK – 1 010 000 teńgeni quraıdy.
