Jambyl oblysynda qar qursaýynda qalǵan turǵyn qutqaryldy
TARAZ. QazAqparat – Jambyl oblysynda qar qursaýynda adasyp ketken azamat tabyldy, - dep habarlaıdy QazAqparat tilshisi.
Jambyl oblysy Talas aýdanynda fazendasyna bara jatqan turǵyn kóligi qar qursaýynda qalyp, ózi adasyp ketken. Ony oblystyq tótenshe jaǵdaılar departamentiniń qutqarýshylary izdep, tabypty.
«Talas aýdany Kóktal aýylynan 12 km qashyqtyqta ornalasqan fazendasyna 12 naýryz kúni jeke avtokóligimen ketken turǵyn baılanysqa shyqpaı qalǵan. Onyń kóligin 14 naýryz kúni týystary fazendege 5 shaqyrym jetpeıtin aýmaqtan, qar qursaýynda qalǵan jerinen taýyp alǵan. TJD kúshimen izdeý jumystary júrgizilip, azamat tabylyp, qutqaryldy»,-delingen TJD baspasóz qyzmetiniń habarlamasynda.
Qutqarylǵan turǵyn Kóktal aýylyndaǵy úıine jetkizilgen.
