Jambyl oblysynda qar kóshkini júrýi múmkin
TARAZ. QazAqparat - Jambyl oblysynda aýa raıyna baılanysty eskertý jarııalandy, dep habarlaıdy QazAqparat.
«Qazgıdromet» RMK 10 qańtar kúni Jambyl oblysynda jeldiń jyldamdyǵy sekýndyna 28 metrge jetetinin boljap otyr. Budan tys, oblystyń taýly aýdandarynda jaýyn-shashynnyń bolýyna baılanysty qar kóshý qaýpi saqtalady.
Eske sala ketsek, bir jyl buryn Jýaly aýdanyna qaraıtyn Talas Alataýynyń bókterindegi Kóksaı shatqalynda ótip jatqan 91678 áskerı bólimi áskerı qyzmetshileriniń jaýyngerlik daıyndyǵy boıynsha josparly sabaǵy barysynda kútpegen jerden qar kóshkini oryn alyp, birneshe áskerı qyzmetshi qaza tapqan bolatyn.
https://kaz.inform.kz/news/zhambyl-oblysynda-askerilerdin-zhattyguy-kezinde-kar-koshkini-tusti_a3000486
«Qar kóshý qaýpi bolǵandyqtan, taýdyń qarly bókterine shyqpaýǵa keńes beremiz. Taýda abaı bolyńyzdar», - dep eskertedi Jambyl oblystyq TJD-degiler.
Oblys avtojoldaryndaǵy kólik qozǵalysy ázirshe turaqty, Qordaı, Kúıik, Shaqpaq, Hantaý asýlary ashyq.
Oblysta kúndiz keıbir jerlerde jaýyn-shashyn, kóktaıǵaq bolyp, tuman túsedi. Aýa temperatýrasy túnde 2-7 gradýs nólden tómen, al keıbir jerlerde mınýs 12-17 gradýsqa deıin tómendeıdi. Kúndiz +5 gradýsqa deıin jyly, keı jerlerde mınýs 5 gradýsqa deıin tómendeıdi.
Tarazda aýa raıy qubylmaly, jaýyn-shashyn bolmaıdy. Keıbir jerlerde tuman túsedi. Aýa temperatýrasy túnde mınýs 4-6 gradýs, kúndiz 3-5 gradýs nólden joǵary bolady.
