Jambyl oblysynda qant qyzylshasy alqabynyń kólemin 6 myń gektarǵa jetkizý kózdelip otyr
ASTANA. QazAqparat - Jambyl oblysynda qant qyzylshasy alqabynyń kólemin 6 myń gektarǵa jetkizý kózdelip otyr. Bul týraly Ortalyq kommýnıkatsııalar qyzmetiniń óńirlik fılıalynda ótken brıfıngte Jambyl oblysy ákimdiginiń aýyl sharýashylyǵy basqarmasynyń basshysy Nurjan Nurjigitov habarlady.
«Bıylǵy jyly qant qyzylshasynyń kólemin 6,0 myń gektarǵa jetkizý josparlanýda. Ústimizdegi jyly oblys kóleminde ornalasqan aýyl sharýashylyǵy qurylymdarynyń aınalymdyq qarajatynyń joǵyn eskere otyryp, qant qyzylshasy daqylyna qajetti tuqymdy satyp alý maqsatynda oblystyq bıýdjetten 220 mln teńge bólindi. Osyǵan baılanysty OrtaAzııalyq qant korporatsııasymen kelissózder júrgizilip, sonyń nátıjesinde búgingi kúnge barlyǵy 6,0 myń gektarǵa qajetti 9 myń sebý birligine ótinish berildi. Qant zaýyttarynan alynǵan tuqymnyń qunyna aýylsharýashylyq taýar óndirishýlerine bolashaqtaǵy óniminen esep aıyrysady. Budan basqa Merki aýdanynda 157,5 jáne Shý aýdanynda 316,5 sebý birligin quraıtyn qant qyzylshasynyń tuqymy qolda bar»- dedi N.Nurjigitov.
Oblys boıynsha qant qyzylshasy daqylynyń agrotehnıkalyq is-sharalaryn atqaratyn 244 aýyl sharýashylyǵy tehnıkasy bar. Osy atalǵan tehnıkalar egis naýqanyna jetispeıdi. Sondyqtan oblystyq bıýdjetten tehnıkalardy satyp alýǵa 200 000 myń teńge qarjy bólindi.
«Budan bólek, Shý jáne Qordaı aýdandary «Merki qant zaýyty» JShS-nan shalǵaı ornalasýyna baılanysty, «OrtaAzııalyq qant korporatsııasy» JShS-men kelissózder júrgizilip, sonyń nátıjesinde tasymaldaýǵa ketetin shyǵyndarynyń bir bóligin qant zaýyttary satyp alý qunyna qosyp tóleý úshin kelisim sózder júrgizildi. Sonymen qatar, búgingi kúnge qant zaýyttary jáne Aýyl sharýashylyǵy mınıstrligimen qant qyzylshasynyń satyp alý baǵasyna beriletin sýbsıdııalaý kólemin arttyrý týraly kelisim jumystary júrgizilýde»,- dep aıtty Nurjan Moldııaruly.
