Jambyl oblysynda qansha adam karantınge jatqyzylǵan
NUR-SULTAN. QazAqparat - Jambyl oblystyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Berik Jarqynbekov óńirde koronavırýsqa baılanysty qansha adamnyń karantınde jatqanyn aıtty, dep habarlaıdy QazAqparat tilshisi.
«25 naýryz kúngi saǵat 07-00-degi jaǵdaı boıynsha Jambyl oblysynda monıtorıngke sáıkes 1A sanatyna kiretin elden kelgen 4 azamat karantındik statsıonarǵa oqshaýlanǵan. Al 1B sanatyna jatatyn elden kelgen 67 adam úı karantıninde jatyr», - dedi Berik Jarqynbekov «Habar 24» telearnasynyń tikeleı efırinen.
Aıta keteıik, buǵan deıin Soltústik Qazaqstan oblystyq densaýlyq saqtaý basqarmasynyń basshysy Tımýr Sultanǵazıev jambyldyq azamat koronavırýsty Qyrǵyz elinen juqtyryp kelgenin , Rysqulov aýdanynda koronavırýs tabyldy degen aqparat jalǵan ekenin aıtqan bolatyn.
