Jambyl oblysynda kaltsıı qosylǵan soda óndiretin zaýyt salynady
TARAZ. QazAqparat - «Yildirim Holding» túrik kompanııasy Jambyl oblysynda kaltsıı qosylǵan soda zaýytyn turǵyzbaq, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Aıta keterligi, 2017 jyly Astanadaǵy EKSPO-nyń Kongress-ortalyǵynda Memleket basshysy Nursultan Nazarbaev «Yildirim Holding» kompanııasynyń basqarma tóraǵasy Robert ıÝksel Iyldyrymdy qabyldaǵan bolatyn. Kezdesý barysynda taraptar hımııa ónerkásibindegi ınvestıtsııalyq jobalarǵa qatysty máselelerdi jáne olardy iske asyrýdyń perspektıvalaryn talqylaǵan edi. «Yildirim Holding» kompanııasy basqarmasynyń tóraǵasy Qazaqstanmen yntymaqtastyqty nyǵaıtýǵa múddeli ekenin bildirip, Memleket basshysyna Jambyl oblysynda kaltsıı qosylǵan soda óndiretin zaýyt salý jospary týraly aıtqan bolatyn.
Jaqynda Ankaraǵa resmı saparmen barǵan Nursultan Nazarbaev qazaqstandyq-túrkııalyq ınvestıtsııalyq formýǵa qatysyp, osynyń nátıjesinde quny 1,7 mlrd dollarǵa teń 22 kommertsııalyq qujatqa qol qoıǵan edi. Onyń ishinde Jambyl oblysynyń ákimdigi men «Yildirim Holding» túrik kompanııasy Jambyl oblysy Sarysý aýdany Toǵyzkent aýylynda kaltsıı qosylǵan soda zaýytyn turǵyzý týraly ekijaqty kelisimge qol qoıdy. Toǵyzkent aýyly - Jańatas qalasynan 65 shaqyrymdaǵy Toǵyzkent aýyldyq okrýginiń ákimshilik ortalyǵy bolyp tabylady.
Jobanyń ózin-ózi aqtaý merzimi 7 jyldy qurap otyr. Osynyń arqasynda 300 jańa jumys ornyn ashý kózdelgen. Alǵashqy kezeńde kompanııa jobany iske asyrý úshin 300 mln dollar salýdy josparlaýda.
Zaýyttyń jobalyq qýaty alǵashqy kezeńde jylyna 400 myń tonna kaltsıı qosylǵan sodany óndirýge qaýqarly bolady dep kútilýde. Bul bir jylda Qazaqstannan Reseıge ımportalatyn sodanyń mólsherimen birdeı. Іshki naryqtaǵy suranys qanaǵattandyrylǵannan keıin ekinshi kezeńde jobalyq qýattylyqty jylyna 1 mln tonnaǵa sodaǵa jetkizip, ónimdi shetelderge eksporttaý kózdelgen.
Mamandardyń baǵalaýynsha, mundaı zaýyt Qazaqstanǵa ımporttyq táýeldilikten qutyla otyryp, qazaqstandyq kaltsıı qosylǵan sodany eksporttaýǵa múmkindik beredi. Qazirdiń ózinde ónimdi eksporttaý úshin Qytaı men Eýrazııalyq ekonomıkalyq odaq naryqtary zerttelýde.
Qazirgi tańda qajetti qujattar daıyndalyp, shıkziattyń qoryn anyqtaý úshin geobarlaý jumystary júrgizilýde. «Yildirim Holding» kompanııasy zaýyttyń qurylysyn 2019 jyldyń tórtinshi toqsanynda bastaýdy josparlap otyr. Zaýyt jospar boıynsha 2021 jyldyń jartyjyldyǵynda paıdalanýǵa beriledi.
Aıta ketsek, Yildirim Group - álemniń 50 elinde jumysyn júrgizip jatqan iri túrik holdıngi. Qazaqstan naryǵynda 2013 jyldan bastap jumys istep keledi.
Illıýstratsııalyq foto
