Jambyl oblysynda izdeýde júrgen 6 kúdikti quryqtaldy

TARAZ. QazAqparat – Jambyl oblystyq Polıtsııa departamentiniń qyzmetkerleri izdeýde bolǵan alty kúdiktini qolǵa túsirdi, dep habarlaıdy QazAqparat tilshisi.

«Quqyqtyq tártip» jedel-aldyn alý is-sharalary barysynda Jambyl oblysynyń Polıtsııa departamentiniń qyzmetkerleri urlyq, alaıaqtyq, qorlaý, esirtki zattaryn medıtsınalyq emes tutyný jáne taǵy basqa qylmystar jasaǵany úshin izdeýde júrgen tórt kúdiktini ustady.

«Sondaı-aq, Jambyl oblysynyń aýmaǵynda sottalǵandarǵa qatysty probatsııalyq baqylaýdy buzǵan Almaty qalasynyń 30 jáne 40 jastaǵy eki turǵyny ustaldy. Ustalǵan azamattardyń barlyǵy Taraz qalasynyń ýaqytsha ustaý ızolıatoryna qamaýǵa alyndy», - dedi vedomstvonyń baspasóz qyzmetinen.